Žemaitišku žuodžiu žuodīns

Igīvendėnont žemaitėškiausė Lietuvuos rajuona idiejė, Skouda rajuona savėvaldībės admėnėstracėjės Kultūras ėr turizma skīrios sukūrė Žemaičiu-Lietuviu kalbu žuodīna.

A  B  C  Č  D  G  I  J  K  L  M  N  O  P  R  S  Š  T  U  V  Z  Ž

„Ož auksa brongesnė“

Kas kuožnam ož auksa brongesnė?.. Gimtuoji kalba. Tik anou besėrokoudamė pasakuom vėskou, kas gol ont dūšės, – būnam savėm.
Žemaitems gimtuoji kalba īr žemaitiu. Vo ana vėskam tėik pat pasabni, kap ėr lietoviu bėndrėnė, – der ne tik špuosams, bet ėr literatūras kūrėnems. 
Skouda rajuona savėvaldībės R. Granauskė vėišuoji bėbliuoteka so Skouda literatu klubo „Nuojos“ sorėktavuojė laidū „Ož auksa brongesnė“, katruos skombies žemaitėška tuo kluba nariū kūrība, cikla. Laidas bova ruodītas interneta suocialėnė tinkla „Facebook“ bėbliuotekas paskīruo. Vu če galėt rastė vėsas tas laidas vėinuo vėituo.