Žvinklīs Pranis

Gėmė 1953 metas.

Gėvenamoujė vėita - Skouds.

Žanrs - poezėjė.

Aš, Žvinklīs Pranis, gėmiau teatra scenuo, ka mona ontrėninks (tas be keporės) Zabitis Eugenėjos vaidėna sava drauga E.Untulė spektaklie „Kormis ont dėdėlė kelė“. Ons pats īr gėmės onkstiau – 1953 m. Padobė kaimalie pri Salontū. Tievā kolkuozninkā, paprastė žmuonis. Nebier tuo kaima – zimaguorā išvertė truobas. Vasaras liuob praleistė Šaučikiu kaimė pas babūnė, Skouda rajuonė. Pradėnė muokīklelė – ont rajuonu robežiaus stuoviejosi „Rauduonė“ (dabā – gīvenams noms pri Skouda – Salontū plėnta). Diel tuo anou vėsa laika traukė i Skouda. Mona ontrėninks Eugenėjos tor velnėškā dėdėlė vėsuokė gīvenėma patėrti. Īr baigės Salontū vėdorėnė, paskou – Vėlniaus universiteta, specialībė – lietoviu kalba ė literatūra. Dėrba ė kruovėko (15 metu), ė muokītuojo, direktuoriaus pavadoutuojo, žornalisto. Gīvena Vėlniou, Vėlkavėškė ėr Alītaus rajuonūs. Parvažiavės i Skouda, ons ėlgā negava žmuonėška darba. Blata netoriejė, ė vėršėninkā sakė: mosint esi dėdėlis pėjuoks, ēk šūda kabintė ė griuoviū kastė. Diel tuo ė mon, Praniou, ni vėins Skouda vėršėninks ar anuo pasobėnuoks nepatink ė lig graba lėntuos nepatėks. Karto so sava ontrėninko 2007 m. Vėlniaus leidīkluo „Inrema“ išleidau kninga „Gėismės apie gīvenėma ė meilė“. Rašau tik teisībė ė veizo, ka eilės skombietom ė patėktom žmuonėms. 2008 m. laimiejau I respublikėni tarmėškas kūrības konkursa. Pats žėnau, ka rašau gerā, vo kon mėslėi puonelē – mon nesvarbo. Pruotingė prijims, vo so dornēs ė pats rokoutėis nenuorio.

Korėnē

Pruojekta rēm

Rėmėjas - Lietuvos Nacionalinė Martyno Mažvydo biblioteka Rėmėjas - Klutūros ministerija

Pruojekta ėgīvendėn

Projektą įgyvendina Skuodo Rojono savivaldybės R. Grušausko viešoji biblioteka

Ėnpuormacėnis pruojekta riemies

Informacinis rėmėjas - nepriklausomas Skuodo rajono laikraštis \

Partnerē

Partneris - Žemaičių kultūros bendrija Partneris -

Pruojekta bėčiolis